DORDERACUM

DORDERACUM

urbs Hollandiae praecipua et magnifica, cum iure monetoe cudendae, quod illi soli tributum. Olim sedes Comitum, hodie emporium mercium in peregrina loca mittendarum, prima ex 6 urb. in Conventu Stat. Holl. et insl. nunc aquarum inundatione A. C. 1421 a reliqua Ins. separata. Synodo contra Remonstrantes a Reformatis A. C. 1618. et 19. celebratâ insignis, qualem quidem Ecclesia Christiana a multis retro saeculis non viderat ullam. Interfuêre illi Theologi, non modo ex Foederatis provinciis, verum etiam ex Britannia, Palatinatu, Brandenburgo, Hassiâ, Embda; Helvetia item, aliisque compluribus evocati: ac coepta Kal. Nov. A. C. 1618. feliciter absoluta est Sessionibus CLIV. Condemnati errores Quinque Articulorum: approbata et confirmata Confessio Belegica ac Catechesis Palatina: versio: Bibliorum nova decreta: denique, quidquid hactenus turbarum afflixerat Ecclesiam Belgicam, sopitum sublatumque est. Exstant Synodi huius Nationalis celeberrimae (quam ipse Paulus Servita, ut Apostolicam, ob decreta, laudavit, Ep. ad Heinsium) Acta et Historia, quae videri poterunt, Galli quidem non adfuêrunt, prohibente Rege: at scripsêrun suum de Arminianis iudicium, et postea Canonibus Dordracenis in sua Synodo Nationali subscripsêrunt, Arminianismum viam ad Papatum sternere iudicantes, A. C. 1626. Acta Referente Baudartio. Quo pacto Oecumenicae naturam Synodus haec, utpote Reform. Theologis ex omni Europa invitatis approbantibusque, induit, certe cum omnibus Oecumenicis facile comparanda. G. Horn. Hist. Eccl. cum Notis Leydeckeri. Ceterum Urbs distat 7. leuc. a Lugd. Batav. in Austr. 3. a Roterod. in Eur. 5. a Breda in Bor.